Almaty oblysynda balalar polıtseılerge chellendj arnady
TALDYQORǴAN. QazAqparat- Almaty oblysynda oqýshylar karantın jaǵdaıynda erekshe onlaın fleshmob uıymdastyrǵan. Olar tártip saqshylarynyń formasynda ózderiniń jol silteýshilerine alǵystaryn bildirdi, dep habarlaıdy QazAqparat tilshisi.
Chelendjdiń basty maqsaty – qıyn shaqta qyzmetin atqaryp júrgen polıtseılerge qoldaý kórsetý, sondaı-aq azamattardyń rýhy men patrıottyq sezimin arttyrý.
Beınejazbadaǵy balalar qarapaıy synyp oqýshylary emes, quqyq qorǵaý baǵytyndaǵy kadet synybynyń tárbıelenýshileri.
«Balalar álemdik indetke aınalǵan ınfektsııasen kúreste aldyńǵy shepte qyzmet etip, el ıgiligi úshin tynyshtyq pen qaýipsizdikti qamtamasyz etip júrgen polıtseılerge sheksiz rızashylyqtaryn jetkizgen.
Óz kezeginde, Almaty oblysy Polıtsııa departamentiniń jeke quramy óskeleń urpaqtyń ystyq yqylasyn qabyldap, alǵystaryn aıtty. Tártip saqshylary atalǵan rolık jylylyq syılaıtynyn jáne odan ári de el úshin eńbek etýge kúsh-jiger beretinin jetkizdi», delingen habarlamada.
Estafetany Taldyqorǵan qalasynyń 6-kadet synyby bastap, ózderiniń qurbylastaryna joldady.
