Almaty oblysynda "Balalar álemi" atty festıval ótti
/strong>Maýsymnyń 1-i. QazAqparat /Názıra Eleýhan/ - Búgin Almaty oblysynyń Іle aýdany Qaroı aýylynda Balalar merekesi kúnine arnalǵan, VIII-shi "Balalar álemi" atty festıval ótti,
dep habarlaıdy QazAqparat.
«Bolashaq» balalar men jasóspirimder klýby men jergilikti bılik ókilderiniń qoldaýymen ótken sharaǵa 2000-daı bala qatysty. Festıval aýla klýbtarynyń sherýimen bastaldy. Balalar «Bylǵary dop» fýtbol týrnırine, «Balalar kózimen salynǵan álem» atty sýret baıqaýyna, án-bı baıqaýlaryna jáne taǵy da basqa ár túrli konkýrstarǵa qatysty. Sonymen qatar, shara aıasynda balalar qolóneriniń kórme-satylymy ótti. Uıymdastyrýshylardyń aıtýynsha, satýdan túsken qarajattar klýbtardyń damýyna jumsalady. Qonaqtardy aýla klýbtary jasaǵan ertegi keıipker beınesindegi qýyrshaqtar kóńilderin kóterdi.
Barlyq qatysýshylar «Rahat» kondıter fabrıkasynyń jáne uıymdastyrýshylardyń syılyqtaryn aldy.
"Bul sharany uıymdastyrýdaǵy maqsatymyz - salaýatty ómir saltyn nasıhattaýǵa shaqyrý, qoǵamdy balalar men jasóspirimderdiń máselesine nazar aýdartý, sonymen qatar, eń aldymen balalarǵa kóterińki kóńil -kúı men qýanysh syılaý bolyp tabylady. Búgingi sharaǵa múmkindigi shekteýli balalardyń qatysýy da tegin emes. Olar da basqa balalar deńgeıinde birge oınap, barlyq baıqaýlarǵa qatysýda. Biz aýyl ákimdigi men aýyldyq okrýgtarmen birigip barlyq qatysýshylarǵa ystyq tamaq pen ádemi kıimderdi qamtamasyz ettik", dedi «Bolashaq» balalar men jasóspirimder klýbynyń basshysy Roza Ábilova.
Onyń aıtýynsha, 2002 jyly ashylǵan klýb osy jyldarǵa deıin 55-ten asa áleýmettik mańyzy bar jobalardy iske asyryp, 11 aýla klýbtaryn ashqan.
