Almaty oblysynda balabaqshaǵa «jarylǵysh zat» qoıyldy
TALDYQORǴAN. QazAqparat - Almaty oblysyndaǵy balabaqshalardyń birinde jarylǵysh zattyń qoıylǵandyǵy týraly aqparat polıtseılerdi aıaǵynan tik turǵyzdy. 260-tan astam adam evakýatsııalandy, onyń 217-si bala, dep habarlaıdy QazAqparat tilshisi.
Oblystyq ІІD baspasóz qyzmetiniń sońǵy málimetine súıinsek, Talǵar aýdandyq ІІB-ge qońyraý shalyp, jarylǵysh zat jóninde habarlaǵan adam áli izdestirilýde.
Esterińizge sala keteıik, búgin saǵat 13:30-da belgisiz bireý Talǵar aýdandyq ІІB-ge qońyraý shalyp, "Qyzyl Qaırat" aýylyndaǵy balabaqshalardyń birine jarylǵysh zat qoıylǵandyǵyn aıtqan. Aýylda ornalasqan 3 balabaqshadaǵy adamdar qaýipsiz jerge kóshirildi. Aımaq tolyqtaı qorshaýǵa alynǵan. Oqıǵa ornynda quzyrly organ qyzmetkerleri jumys istep jatyr. Olar atalǵan jaǵdaıǵa túsinistikpen qarap, halyqtan dúrlikpeýdi suraıdy.
