Almaty oblysynda balabaqsha aýmaǵynda órt boldy
TALDYQORǴAN. QazAqparat – Búgin Almaty oblysynda balalarǵa mektepke deıingi bilim berý mekemeleriniń biriniń aýmaǵynda órt boldy, dep habarlaıdy QazAqparat tilshisi.
«2020 jylǵy 21 jeltoqsanda saǵat 15:03-te Almaty oblysynyń TJD-syna oblystyń Panfılov aýdanyndaǵy Jarkent qalasynda «Dana bala» jekemenshik balabaqsha aýmaǵynda jeke turǵan ashana shatyrynyń janyp jatqany týraly habarlama kelip tústi», - dep habarlady oblystyq TJD.
Órt saǵat 15:23-te aýyzdyqtaldy. 90 sharshy metrdi sharpyǵan jalyn saǵat 15:42-de sóndirildi. Zardap shekkender joq.
«Mektepke deıingi mekeme qyzmetkerlerin TJ kezindegi is-qımyldarǵa turaqty úıretýdiń arqasynda balabaqsha qyzmetkerleri balalardy órt sóndirý bólimi kelgenge deıin evakýatsııalaǵan. Qazirgi ýaqytta barlyq bala úılerine tarady. Órtti sóndirýge Almaty oblystyq TJD-nyń 8 qyzmetkeri men 3 tehnıkasy jumyldyryldy. Órttiń shyǵý sebebin anyqtaý úshin oqıǵa ornyna Almaty oblysy TJD Órt synaq zerthanasy jiberildi», - dep atap ótti qutqarýshylar.
Avtor: Hasan Espanov
