Almaty oblysynda bala emizip júrgen 264 ana vaktsına aldy
Almaty oblysynda 15 qarashadan bastap 12-18 jas aralyǵyndaǵy jasóspirimder, júkti jáne bala emizetin áıelder arasynda vaktsınatsııa jumystary bastaldy. Oblysqa barlyǵy 46 800 doza Komırnatı vaktsınasy kelip tústi. Búgingi tańda vaktsınatsııalanǵan tıisti kontıngent sany 1 980 adam. Onyń ishinde 1673 jasóspirim, 43 júkti áıel jáne laktatsııa kezeńinde 264 áıel ekpe aldy.
Esterińizge sala keteıik, jasóspirimderdi vaktsınatsııalaý tek ata-analarynyń nemese zańdy ókilderdiń kelisimimen júzege asyrylady.
Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti taratqan habarlamaǵa sáıkes,
Almaty oblysy halyqty koronavırýstyq ınfektsııadan vaktsınatsııalaýmen qamtý deńgeıi boıynsha respýblıkada jetekshi orynda tur. Búgingi kúni óńirde vaktsınanyń alǵashqy dozasyn alǵandar sany 851 429 adamǵa jetti, bul 71% - dy quraıdy. Tolyq kýrstan ótkenderdiń sany – 778 939 azamat nemese ımmýndaýǵa jatatyn eresek turǵyndardyń 65%-y.
Qazirgi ýaqytta oblys turǵyndary vırýsqa qarsy preparattar arasynda: «Spýtnık V», «QazVac» jáne «Sinopharm» vaktsınasyn tańdaı alady. Aıta ketý kerek, Aqsý jáne Balqash aýdanynyń turǵyndary koronovırýstyq ınfektsııaǵa qarsy 100% egildi.
Óńirde vaktsınatsııa jumystary algorıtmge sáıkes júrgizilýde.
Oblys boıynsha 318 egý pýnkti ashyldy, onyń ishinde 76 – jyljymaly, 71 mobıldi brıgada jáne 17 jyljymaly medıtsınalyq keshen uıymdastyrylǵan. Oblys boıynsha mektep qabyrǵasynda 338 egý kabıneti jumys isteıdi.
