Almaty oblysynda baqtashy qarııany qatygezdikpen óltirilgen qylmysker ustaldy
TALDYQORǴAN. QazAqparat - 13 sáýir kúni Eńbekshiqazaq aýdanyndaǵy Shelek aýylynyń shetinde qatigezdikpen óltirilgen qarııanyń múrdesi tabyldy.
Sottyń medıtsınalyq sarapshylary jábirlenýshiniń ólimi mıy shaıqalýy men 18 qabyrǵasynyń synǵanynan alǵan travmatıkalyq shok saldarynan bolǵanyn rastady.
«Jábirlenýshi - sharýa qojalyqtarynyń birinde baqtashy bolyp jaldanyp júrgen 66 jastaǵy jergilikti turǵyn bolyp shyqty. Jedel sharalar barysynda onyń jaqyn tanystary tekserilip, zeınetkerdi qatigezdikpen uryp-soqty degen kúdikti er adam ustaldy», - dep habarlady oblystyq ІІD-niń baspasóz qyzmetinen.
Almaty oblystyq ІІD baspasóz qyzmetiniń habarlaýynsha, qylmysqa qatysty delingen kúdikti azamat 1981 jylǵy aýyl turǵyny ustaldy. Adamnyń ólimine kelip soqtyrǵan densaýlyqqa qasaqana aýyr zalal keltirý faktisi boıynsha sot aldyndaǵy tergeý amaldary bastaldy. Kúdikti er adam Shelek polıtsııa bólimine qamaýǵa alyndy.
«Tergeý barysynda egde jastaǵy er adamdy uryp-soǵýǵa ne sebep bolǵany anyqtalady. Kúdikti azamat qylmysty ishimdikke mas kúıinde jasaǵany belgili boldy», - dep atap ótti ІІD-nen.
