Almaty oblysynda baǵaly tondardy urlady degen kúdikpen eki áıel ustaldy
TALDYQORǴAN.QazAqparat - Almaty oblysynda eki áıel 13 qarakúzen tonyn urlady degen kúdikpen ustaldy. Qazir joǵalǵan zattar tabylyp, ıesine qaıtaryldy, dep habarlaıdy QazAqparat tilshisi.
Almaty oblystyq polıtsııa departamenti baspasóz qyzmetiniń málimetinshe, oqıǵa Panfılov aýdanynda bolǵan. 31 qańtar kúni polıtseılerge jergilikti Nurkent aýylynyń turǵyny aryz túsirgen. Jábirlenýshi ol jerde 13 qarakúzen tony urlanǵanyn jáne jalpy shyǵyn kólemi 5 mıllıon teńgege baǵalanǵanyn aıtqan. Anyqtalǵandaı, kásipker áıel baǵaly tondardy Almaty qalasyna aparyp satam dep josparlaǵan.
«Panfılov aýdanynyń polıtseıleri kúdiktilerdi anyqtap, eki áıeldi ustady. Ustalǵandardyń ekeýi de - kórshi aýyldyń 20 jáne 23 jastaǵy turǵyndary bolyp shyqty. Urlanǵan 13 qarakúzen tonnyń barlyǵy tabylyp, ıesine qaıtaryldy. Qazir osy faktige oraı QR QK 188-babynyń (Urlyq) 4-shi bóligine sáıkes sotaldy tergeý bastaldy», - dep málimdedi atalǵan vedomstvonyń baspasóz qyzmetinen.
Al eki kúdikti áıelden tergeý barysynda eshqaıda ketpeý jóninde qolhat alynyp, úılerine jiberilgen.
