Almaty oblysynda azyq-túlik baǵasyn turaqtandyrýǵa 5,7 mlrd teńge qarjy qarastyrylyp otyr

TALDYQORǴAN. QazAqparat - Almaty oblysynda azyq-túlik baǵasyn turaqtandyrýǵa 5,7 mlrd teńge qarjy qarastyrylyp otyr, - dep habarlaıdy QazAqparat tilshisi.

Bul qarjynyń 1,1 mlrd teńgesi turaqtandyrý qoryna taýar satyp alý úshin jumsalsa, qalǵan qarajat taýaróndirýshilerdi nesıelendirýge baǵyttaldy. Qazirgi tańda óńirde áleýmettik mańyzy bar azyqtyń 2 aıdan 6 aıǵa jetetetin qory jınaqtalǵan. Qoımalarda 1330 tonna un, kúnbaǵys maıy, qant, kúrish pen makaron ónimderi saqtaýly. Qosymsha 800 tonna azyq-túlik satyp alý josparlanyp otyr. Oblysta arnaıy qurylǵan monıtorıngtik toptar taýarlardyń baǵasyn baqylap, qymbattap ketpeýin qatań qadaǵalaýda.

«Keıbir jerlerde ónimderiniń baǵasyn túsirýge sheshim qabyldady. Mysaly nan, suıyq maı, jumyrtqa, kúrish sııaqty taýarlarǵa 5-ten 7 protsentke deıin baǵalary tómendedi», - dedi «Jetisý» áleýmettik-kásipkerlik korporatsııasynyń dırektory Baqtııar Sembekov.