Almaty oblysynda «azamattyq alyp beremin» dep eldi aldaǵan 24 jastaǵy kúdikti ustaldy
TALDYQORǴAN. QazAqparat – Almaty oblysynda «azamattyq jasatyp beremin» dep eldi aldaǵan 24 jastaǵy kúdikti ustaldy, dedi habarlaıdy QazAqparat tilshisi.
Oqıǵa Eńbekshiqazaq aýdanynda bolǵan. Kóktóbe aýylynyń 24 jastaǵy turǵyny Eńbekshiqazaq aýdandyq polıtsııa basqarmasynyń kezekshi bólimine aryzdanǵan.
Ol shaǵymynda 2020 jyldyń maýsym aıy men tamyz aıynyń aralyǵynda óziniń tanysyna aldanǵanyn jetkizgen.
«ıAǵnı, Qazaqstan Respýblıkasynyń azamattyǵyn jasatyp beremin dep senimine kirgen azamat onyń 200 000 teńgesin qaltaǵa basqan. Aryzdanýshy alaıaqtyq jolmen aqshany alǵan azamatqa qatysty shara qoldanýdy suraǵan» delingen Almaty oblysy polıtsııa departamentiniń baspasóz qyzmeti jarııalaǵan habarlamada.
Jedel-izdestirý sharalary barysynda 24 jastaǵy Esik qalasynyń turǵyny anyqtalyp, ustaldy. Jaýap alý barysynda kúdikti óz kinásin tolyq moıyndady.
Qazir atalǵan derek negizinde QR QK 190-babynyń 1-bóligi boıynsha sotqa deıingi tergeý amaldary júrip jatyr.
