Almaty oblysynda aıǵaq zattardy urlaǵan polıtseı sottaldy
TALDYQORǴAN. QazAqparat - Almaty oblysynda aıǵaq zattardy urlaǵan polıtseı sottaldy. Oqıǵa Tekeli qalasynda bolǵan, dep habarlaıdy QazAqparat tilshisi.
Sot úkimi boıynsha Tekeli qalalyq ІІB-nyń burynǵy qyzmetkeri 5 jyl 6 aıǵa bas bostandyǵynan aıyryldy. Al onyń qylmysty jasaý barysyndaǵy sybaılasy 5 jylǵa sottaldy.
Oblystyq prokýratýranyń baspasóz qyzmetiniń málimetinshe, polıtseı páter tonaý faktisi boıynsha oqıǵa ornyna baryp, ózderi urlyq jasaǵan. Demek, áshekeı men aıǵaq zattardy ózderi jymqyryp qalǵan. Sot barysynda olardyń kinási tolyqtaı dáleldendi.
