Almaty oblysynda áıelin tapsyrys berip óltirgen er adamǵa qatysty sot úkimi shyqty

ALMATY. QazAqparat - Almaty oblysynda 34 jastaǵy áıeldi bir jasar qyzynyń kózinshe óltirgen er adamdarǵa qatysty sot úkim shyqty dep, habarlaıdy QazAqparat tilshisi.

Qarasaı aýdany qylmystyq ister jónindegi mamandandyrylǵan soty eki kúdiktige qatysty úkim shyǵardy.

Sot jaryssózinde prokýror sottan aıyptalýshylardy kináli dep tanýdy jáne árqaısysyn 20 jyldan bas bostandyǵynan aıyrýdy surady.

Jábirlenýshi tarap prokýrordyń pikirimen tolyq kelisti.

Sot áıelin óltirýge tapsyrys bergen er adamdy qylmystyq kodekstiń 99-baby boıynsha 18 jylǵa bas bostandyǵynan aıyrýǵa úkim shyǵardy. Al qylmysty jasaǵan 35 jastaǵy ekinshi aıyptalýshy 15 jylǵa sottaldy.

Sondaı-aq olar marqumnyń otbasyna 20 mıllıon teńge kóleminde moraldy shyǵyn óteýge mindetteldi.

Eske salaıyq, byltyr qarasha aıynda Almaty oblysynda 34 jastaǵy áıeldi kólikte óltirip ketti.