Almaty oblysynda áıelin óltirip, denesin sýǵa laqtyrǵan kúdikti ustaldy

TALDYQORǴAN. QazAqparat - Almaty oblysynyń polıtseıleri áıelin óltirip, denesin úlken Almaty kanalyna laqtyryp jibergen kúdiktini ustady, dep habarlaıdy QazAqparat tilshisi.

Almaty oblystyq polıtsııa departamenti baspasóz qyzmetiniń málimetinshe, 12 qyrkúıek kúni Eńbekshiqazaq aýdanyndaǵy Úlken Almaty kanalynan áıel adamnyń múrdesi tabylǵan.

Máıitti tapqan er adam birden polıtsııaǵa habar bergen.

Júrgizilgen tekserý barysynda mert bolǵan áıeldiń 37 jastaǵy Talǵar qalasynyń turǵyny ekeni anyqtaldy.

Qylmysqa qatysy bar degen kúdikpen áıeldiń 48 jastaǵy kúıeýi ustaldy.

«Ustalǵan er adam 6 qyrkúıek kúni áıelin óltirip, qylmysyn jasyrý úshin Úlken Almaty kanalyna jetkizip, laqyryp jibergenin moıyndaǵan. Al istiń ýshyǵýyna erli-zaıyptylar arasyndaǵy janjal sebep bolǵan»,- delingen vedomstvonyń habarlamasynda.

Kúdikti qamaýǵa alyndy. Tergeý júrip jatyr.