Almaty oblysynda áıelderdi tonap, zorlaǵan kúdikti ustaldy
TALDYQORǴAN. QazAqparat - Almaty oblysynda eki áıelge kúsh kórsetip tonap, birin zorlaǵan kúdikti ustaldy, dep habarlaıdy QazAqparat tilshisi.
Qazir ustalǵan kúdiktiniń eki áıeldi tonaǵany anyqtaldy. Birinde ol áıeldi tonasa, al ekinshi áıeldi tonaýmen qosa, zorlaǵan. Oqıǵa Іle aýdanynda sáýir aıynyń aıaǵy men mamyr aıynyń basynda bolǵan.
«Jas áıel ózin Japek aýylynyń mańynda zorlap, tonap ketkendigi jóninde aryz túsirdi. Osy aryz boıynsha kúdikti ustaldy. Tekserý barysynda kúdikti taǵy bir áıeldi tonaǵany anyqtaldy. Ol áıel de Іle aýdanynyń polıtseılerine aryz túsirgen bolatyn. Eki faktide de 38 jastaǵy er adam áıelderdiń aqshasymen, baǵaly áshekeı zattaryn jáne uıaly telefondaryn tartyp alǵan. Qazir is materıalyna jábirlenýshiniń tólem kartasy aıǵaq zat retinde tirkeldi. Tólem kartasy kúdiktini tintý barysynda tabyldy», - dep málimdedi Almaty oblystyq polıtsııa departamentiniń baspasóz qyzmetinen.
Buǵan deıin adam zorlap isti bolǵan kúdiktiniń ózge de qylmystarǵa qatysy bar-joǵyn polıtseıler tekserip jatyr.
