Almaty oblysynda áıelder kolonııasyndaǵy sottalýshylar shoý uıymdastyrdy (FOTO)
TALDYQORǴAN. QazAqparat - Almaty oblysynyń Jaýǵashty kentinde ornalasqan LA-155/4 áıelder kolonııasynda «Dálme-dál» («Toch v toch») qaıta túrlený saýyq shoýyna uqsas shara ótkizildi.
«Bul shyǵarmashylyq baıqaýdyń ereksheligi, saýyq shoýyn áıelderdiń ózderi uıymdastyryp, nıet bildirgen barlyq adamdar qatysty. Sottalýshy áıelder qoıýshy sýretker de, oryndaýshylar da ózderi bolyp, kıimderdi de ózderi tikti», - dep atap ótti áńgimelesý barysynda Almaty qalasy jáne Almaty oblysy boıynsha QAJ departamentiniń LA-155/4 túzeý mekemesi bastyǵynyń orynbasary Anastasııa Astapova.
«Sottalǵan áıelderdiń shyǵarmashylyq qııaly kóptegen tanymal estrada juldyzdarynyń beınesinde shyǵyp, túrli ánder shyrqaýǵa múmkindik berdi. Osylaısha, sahnaǵa Glorııa Geınor, Janna Agýzarova jáne «ıAlla» tobyn beınelegen áıelder shyqty. Kórermenderge, ásirese aty ańyzǵa aınalǵan «Boney M» toby men ánshi Sıta (Úndistan) erekshe unady.
Osyndaı sharanyń ótkizilýi sottalýshylardyń arasynda tárbıe jumysynyń bir baǵyty bolyp tabylady. Oǵan qosa, «Dálme-dál» shoýy - sezimge bóleıtin áserli shara», - dep qosyp ótti A.Astapova.
