Almaty oblysynda áıelder kolonııasynan karantın alyndy
TALDYQORǴAN. QazAqparat - Búgin Almaty oblysynda Іle aýdandyq bas sanıtarlyq dárigerdiń qaýlysymen LA 155/4 túzeý mekemesinen karantın rejımi alynyp tastaldy, dep habarlaıdy QazAqparat tilshisi.
Esterińizge sala keteıik, atalǵan túrmede jazasyn ótep jatqan aıaǵy aýyr 22 jastaǵy kelinshekten koronavırýs anyqtalǵan bolatyn.
«Áıel bosanýǵa daıyndalyp júrgendikten, sondaı-aq tekserilýge birneshe ret barǵan aýdandyq aýrýhana keıinnen karantınge jabylýyna baılanysty odan analız birneshe ret alyndy. Keshe oǵan koronavırýs ınfektsııasyna taldaý qaıta jasaldy. Ol teris nátıje kórsetti. Covid-19-ǵa test sondaı-aq onymen baılanysta bolǵan jazasyn óteýshilerge jáne mekeme qyzmetkerlerine, jalpy 67 adamǵa jasaldy. Barlyǵynda nátıje teris boldy», - delingen polisia.kz saıtynda.
Buǵan deıin habarlaǵanymyzdaı, ınfektsııa anyqtalǵanǵa deıin aıaǵy aýyr kelinshek túzeý mekemesiniń medıtsınalyq bóliminde ózge naýqastardan oqshaýlandyrylǵan. Onda koronavırýs indetine tán belgiler baıqalmaǵan.
Kolonııada dezınfektsııa sharalary júrgizildi.
