Almaty oblysynda áıel men balany qaǵyp óltirgen júrgizýshi ustaldy
TALDYQORǴAN. QazAqparat - Almaty-Bishkek tas jolynda áıel adamdy kishkentaı balasymen birge qaǵyp ketip, oqıǵa ornynan izin jasyrǵan júrgizýshi ustaldy. Qazirgi tańda Qaskeleń qalasynyń turǵyny óz qylmysyn moıyndap, túsinikteme berýde, dep habarlaıdy QazAqparat tilshisi.
Oqıǵa Almaty-Bishkek tas jolynyń 27-shaqyrymynda sáýir aıynyń 17-nen 18-ine qaraǵan túni bolǵan.
Jol kólik oqıǵasy bolǵan jerden 38 jastaǵy áıeldiń jáne onyń nárestesiniń máıiti tabyldy. Adamdardy qaqqan azamat apat ornynan boı tasalaǵan.
Sarapshylar oqıǵa ornynan tabylǵan plastmas bólshekterdiń «Mazda SH-7» kóliginiń fragmentteri ekenin anyqtady. Jedel izdestirý barysynda kólik júrgizýshisiniń kim ekeni anyqtalyp, kúdikti polıtsııa bólimshesine jetkizildi. Qaskeleń qalasynyń turǵyny adam qaqqanyn moıyndap, túsinikteme bere bastady.
Almaty oblystyq ІІD baspasóz qyzmetiniń məlimetinshe, qazir atalǵan fakti boıynsha sotqa deıingi tergeý jumystary júrgizilip jatyr. Kólik arnaıy turaqqa qoıylǵan.
Foto: ntv.ru
