Almaty oblysynda áıel lıýkke qulap, 2 saǵat kómeksiz jatqan
TALDYQORǴAN. QazAqparat - Almaty oblysynda egde jastaǵy áıel kóshedegi lıýktiń ishine qulap ketip, aman qaldy. Oqıǵa Eskeldi aýdanynyń Baqtybaı aýylyndaǵy Qonaev kóshesiniń boıynda bolǵan. Al ákimdik lıýktiń qaqpaǵyn urylar qoldy etkenin jetkizdi, dep habarlaıdy QazAqparat tilshisi.
Jergilikti turǵyndar shuńqyrdyń ishinde 2 saǵattan astam ýaqyt qalyp qoıǵan áıel adamdy ózderi shyǵaryp alǵan. Artynsha dárigerler kelip, zardap shegýshiniń densaýlyǵyn teksergen.
«Azamatsha aýrýhanaǵa jatqyzylmady. Aıaq-qoly ǵana sál syrylǵan. Búgin Baqtybaı aýylynyń ákimdik ókilderi ol kisiniń úıine baryp, jaǵdaıyn bilmek bolyp edi azamatsha úıinde bolmaı shyqty. Qazir lıýktiń beti jabyldy», - dedi Eskeldi aýdandyq ákimdiktiń baspasóz hatshysy Shoqan Asylhanov.
