Almaty oblysynda áıel 2 jasar balasyn óltirip, máıitin muzdatqyshta saqtaǵan
ÚShTÓBE. QazAqparat - Almaty oblysynda eki jasar búldirshinniń ólimi ashyldy. Bul jaıly Polisia.kz portalyna silteme jasap QazAqparat habarlaıdy.
5 qazan saǵat 16:00 shamasynda Qaratal APB kezekshi bólimine Úshtóbe qalasyndaǵy jeke úılerdiń birinen eki jasar balanyń máıiti tabylǵany týraly habarlama kelip tústi.
Atalǵan derek QR QK 99-baby 3-bóligi boıynsha tirkeldi.
Polıtsııaǵa balanyń týǵan tətesi habarlasqan. Onyń aıtýynsha, ol shilde aıynan beri jıenin kórmegen. Sińlisi ápkesine balany Taldyqorǵan qalasynda jaldamaly tárbıeshige bergenin aıtyp, úıine kirgizbegen.
Іshteı kúdiktengen əıel, onyń joqtyǵyn paıdalanyp tereze arqyly úıge kirip, muzdatqyshtan balanyń máıitin tapqan.
Polıtseıler jedel túrde kúdiktini izdestirý sharalaryn júrgizip, birneshe saǵat ishinde 27 jastaǵy Úshtóbe qalasynyń turǵynyn ustady. Kúdikti ulyn óltirgenin moıyndaǵan.
Áıeldiń aıtýynsha, ol balanyń ákesimen ajyrasqan, əkesi ózge elde turady. Kúdikti ýaqytsha ustaý oqshaýlaǵyshyna qamaldy.
