Almaty oblysynda avtojol boıynan er adamnyń máıiti tabyldy

QONAEV. QazAqparat - Almaty oblysynda avtojol boıynan er adamnyń máıiti tabyldy, dep habarlaıdy QazAqparat Polisia.kz saıtyna silteme jasap.

«25 qyrkúıekte Almaty oblysy Eńbekshiqazaq aýdanynyń polıtsııa bólimine Kóldi aýylynyń mańyndaǵy avtojoldyń boıynda er adamnyń máıiti tabylǵany týraly habarlama kelip tústi.

Atalǵan fakti Eńbekshiqazaq aýdanynyń Shelek polıtsııa bóliminde sotqa deıingi tergep-tekserýlerdiń biryńǵaı tizilimine tirkeldi.

Ólimin sebebin anyqtaý maqsatynda sot-medıtsınalyq saraptama taǵaıyndaldy», - delingen polıtsııa málimetinde.

Er adamnyń jasy 35-40 shamasynda.

«Qazirgi ýaqytta onyń jeke basyn anyqtaý boıynsha sotqa deıingi tergeý amaldary júrgizilip jatyr», – dedi Almaty oblysy Polıtsııa departamentinde.