Almaty oblysynda avtokranmen garajdy urlaǵan kúdikti ustaldy
TALDYQORǴAN. QazAqparat - Almaty oblysynyń Talǵar qalasynda jergilikti turǵyn avtokrandy qoldanyp, kólik qoıatyn temir garajdy urlap ketti, dep habarlaıdy QazAqparat tilshisi.
19 qazan kúni Talǵar aýdandyq ishki ister bólimine qaladaǵy jeke turǵyn úı sektorynda metaldan qurastyrylǵan garaj urlanǵany týraly aryz kelip túsken. Shaǵymdanýshy óz shyǵynyn 150 myń teńgege baǵalaǵan. Tártip saqshylary bul qylmysty izin sýytpaı, az ýaqyt ishinde ashty.
Tergeý barysynda 29 jastaǵy jergilikti turǵyn avtokran qoldaný arqyly qylmysyn júzege asyrǵany anyqtaldy. Osyǵan sákes, QR QK 188-babymen qylmystyq is qozǵalyp, tergeý amaldary jalǵasýda. Urlanǵan garaj ıesine qaıtarylyp, ornyna qoıyldy. Kúdiktige eshqaıda ketpeý mindettelip, qolhat alyndy. Al avtokran júrgizgen adam týraly aqparatty tergeý aıasynda polıtsııa qyzmetkerleri ádeıi jarııalamaı otyr.
