Almaty oblysynda avtokólikten 9 keliden astam esirtki tárkilendi
TALDYQORǴAN. QazAqparat - Almaty oblysy Raıymbek aýdanynyń aýmaǵynda «Mersedes-Bents» avtokóliginiń júksalǵyshynan iri kólemde esirtki tárkilendi. Polıtseıler júrgizgen arnaıy reıd barysynda qolǵa túsken kúdiktiler - Talǵar aýdanynyń turǵyndary, dep habarlaıdy QazAqparat tilshisi.
«Kólikti 28 jastaǵy azamat basqarǵan, al mashınada 19 jastaǵy jolaýshy boldy. Eki azamat ta - Talǵar aýdanynyń turǵyndary. Avtokóliktiń júksalǵyshyn tekserý barysynda polıtseıler jalpy salmaǵy 9 kılogramm 339 gramm bolatyn marıhýana taýyp, ony tárkiledi. Ustalǵan tulǵalar jergilikti polıtsııa bólimine jetkizildi. Qazirgi ýaqytta esirtki tárkileý faktisi boıynsha QR Qylmystyq kodeksiniń 296-babyna sáıkes tergeý amaldary júrgizilýde»,- dep málimdedi Almaty oblystyq ІІD baspasóz qyzmeti.
Sotqa deıingi tergeý kezinde kúdiktiler mekenjaıyn aýystyrmaý týraly mindetteme boıynsha bosatyldy.
ІІD taratqan aqparatqa sáıkes, oblystyń tártip saqshylary jyl basynan beri 4 tonnadan astam ártúrli esirtkini zańsyz saýda aınalymynan tárkilegen.
