Almaty oblysynda avtobýstan esirtki tabyldy
TALDYQORǴAN.QazAqparat - Búgin Almaty-Bishkek tas jolynyń boıynda tártip saqshylary ıisshil ıt kómegimen jolaýshylar avtobýsynan esirtkige uqsas shóp taýyp aldy. Salmaǵy 2 kg bolatyn dorbadaǵy zat qarasora (marıhýana) bolýy múmkin, dep habarlaıdy QazAqparat tilshisi.
Oblystyq ІІD baspasóz qyzmetiniń málimetinshe, esirtkige uqsas zat salynǵan sporttyq sómkeni labrodor tuqymdas ıisshil ıt taýyp alǵan. Qyzmettik ıttiń laqap aty «Lana» eken. Jalpy Almaty oblystyq ІІD kınologııalyq qyzmetinde 20-dan astam qyzmettik ıt bar.
Jyl basynan beri olardyń kómegimen 20 qylmystyq is ashylǵan. Bul úı janýarlary esirtki, jarylǵysh zattardy, adam izdeýge úıretilgen. Sondaı-aq ıtter patrýldik qyzmette, kúzette qoldanylyp keledi. Bıyl ıtterdiń kómegimen ashylǵan qylmystardyń negizi urlyq.
Sondaı-aq esirtki tasymalymen tórt qylmystyń joly kesilip, 50 kg esirtki zat tárkilengen.
