Almaty oblysynda avtobýs júrgizýshisin soqqyǵa jyqqandar ustaldy
ALMATY. QazAqparat– Almaty mańynda tapa - tal túste qoǵamdyq kólik júrgizýshisine qaraqshylyq shabýyl jasaǵandar ustaldy, dep habarlaıdy QazAqparat tilshisi.
20 jeltoqsan kúni eki jas jigit Іle aýdanyna qarasty Jetigen aýylynda avtobýs júrgizýshisin soqqyǵa jyqqan. Bul fakt Іle aýdandyq polıtsııa basqarmasynda tirkeldi.
«Tekserý barysynda júrgizýshi men jolaýshy arasynda janjal týyndaǵany anyqtaldy. Onyń sońy tóbeleske ulasqan. Osydan keıin jolaýshy ulyna qońyraý shalyp, ony shaqyrǵan. Oqıǵa ornyna dosymen kelgen uly avtobýs júrgizýshisin soqqynyń astyna alǵan. Kúdiktiler qamaldy. Olar Talǵar aýdany, Nura aýylynyń turǵyndary - jolaýshynyń 28 jastaǵy uly men onyń 21 jastaǵy dosy bolyp shyqty»,– dep habarlady polıtsııadan.
Sot-medıtsınalyq saraptamanyń qorytyndysyna sáıkes, qoǵamdyq kólik júrgizýshisiniń densaýlyǵyna azdap zııan kelgen. Materıaldar QR Ákimshilik quqyq buzýshylyq týraly kodeksiniń 73-1 baby boıynsha sotqa sheshim qabyldaý úshin jiberildi. Ustalǵandar avtobýs júrgizýshisinen keshirim surady.
Buǵan deıin Almaty mańynda avtobýs júrgizýshisine qaraqshylyq shabýyl jasalǵany týraly jazǵan bolatynbyz.
