Almaty oblysynda avtobýs aýdarylyp, birneshe adam aýrýhanaǵa tústi
NUR-SULTAN. QazAqparat – Almaty oblysynyń Ótenaı kentinde avtobýs aýdarylyp, birneshe adam jaraqat aldy, dep habarlaıdy QazAqparat tilshisi.
Oqıǵa búgin tańerteń bolǵan. Bur týraly jergilikti áleýmettik jelide vıdeo tarady.
Almaty oblystyq polıtsııa departamentiniń baspasóz qyzmeti oqıǵanyń bolǵanyn rastady.
Departamenttiń baspasóz qyzmeti usynǵan aldyn ala málimet boıynsha, oqıǵa Hvan jáne Slámov kósheleriniń qıylysynda bolǵan. Mazda Cronos kóliginiń júrgizýshisi qosalqy joldan negizgi jolǵa shyǵar kezde jol belgisin elemeı, saldarynan avtobýsqa soǵylǵan.
«Oqıǵa saldarynan Isuzu avtobýsynyń 47 jastaǵy júrgizýshisi men úsh jolaýshy túrli jaraqatpen aýrýhanaǵa jetkizildi. Zardap shekken jolaýshylardyń ekeýi áıel adam. Oqıǵanyń mán-jaıyn Taldyqorǵa qalalyq polıtsııasynyń mamandary anyqtap jatyr», -dep jazylǵan departamenttiń dereginde.
Buǵan deıin Almaty oblysynda júk kóligi shatqalǵa túsip, bir adam mert bolǵanyn jazǵan edik.
