Almaty oblysynda avtobýs apatynan bir adam mert bolyp, 11 jolaýshy aýrýhanaǵa tústi

QONAEV. QazAqparat - Almaty oblysynda avtobýs jol apatyna ushyrap, bir adam mert boldy, taǵy 11 adam aýrýhanaǵa tústi, dep habarlaıdy QazAqparat tilshisi.

Almaty oblystyq polıtsııa departamenti kólik apatyn rastady. Van Hool jolaýshylar avtobýsy kamazben soqtyǵysqan.

Oqıǵa maýsymnyń 21-ne qaraǵan túni Jambyl aýdanynyń Jańaqurylys aýylynda bolǵan.

Avtobýsty 43 jastaǵy Túrkistan oblysynyń júrgizýshisi tizgindegen.

Ol Almaty-Bishkek tas jolynyń 55-shi shaqyrymynda rólge ıe bola almaı, bir baǵytta kele jatqan júk kóligine soǵylǵan.

«Oqıǵa ornynda 36 jastaǵy avtobýstyń ekinshi júrgizýshisi mert boldy, taǵy 11 adam túrli dene jaraqatymen aýrýhanaǵa jetkizildi. Qazir atalǵan jol-kólik oqıǵasyna baılanysty qylmystyq is tergelip jatyr»,-delingen vedomstvonyń baspasóz qyzmeti taratqan habarlamada.