Almaty oblysynda aýyldy jerlerdegi tabıǵatty kórkeıtý máselesi talqylandy
ALMATY. 8 qyrkúıek. QazAqparat /Erbol Azanbek/ - Qazaqstan táýelsizdiginiń 20 jyldyǵyna oraı ár aýyl aǵash egýdi qolǵa alsa, elimiz álemdegi eń jasyl memleketke aınalar edi. Bul týraly Almaty oblysy, Kerbulaq aýdany, Basshı aýylynda ótken Qazaqstan táýelsizdiginiń 20 jyldyǵyna arnalǵan «Týǵan tabıǵatty aıalaıyq» atty ǵylymı-tájirıbelik konferentsııa barysynda belgili kásipker, «Gúlstan» JShS dırektory Gózel Quljabaeva aıtty.
Esterińizge sala keteıik, Gólel Quljabaıqyzy buǵan deıin ár aýylda 20 myń aǵash egilsin degen bastama kótergen edi. Buǵan sáıkes ózi Kerbulaq aýdanynyń Basshı, Nurym aýyldandarynda kógaldandyrý jumystaryn qolǵa alǵan. «Bul tájirıbe Almaty oblysynyń ár aýylynda qoldaý tabýda. Sondyqtan búgingi ǵylymı -tájrıbelik konferentsııany ótkizýdi jón kórdik. Buǵan deıin 3 jyl qatarynan oblystaǵy 51 mektep arasynda ósimdik egý, taný boıynsha jarys ótkizip kelgen edik. Bıyl sonyń qorytyndysy ispetti, ári ár aýyldy kógaldandyrýǵa úgitteý maqsatynda búgingi konferentsııany qolǵa aldyq», -deıdi G.Quljabaıqyzy.
Konferentsııaǵa 16 aýdan, 3 qaladan 250 delegat qatysty. Olardyń basym bóligi ustazdar. «Tabıǵatty kórkeıtýdi úıretýdi ustazdardan bastaý qajet. Óıtkeni jas urpaqqa bilim beretin ustazdar. Sondyqtan aýyldy jerde kórkeıtýdi ustazdar mektepten, oqýshylarǵa úıretýden bastasa mektepten ósimdik áleminiń qyr-syryn úırenip shyqqan adam bolashaqta tabıǵatqa qamqor bolary sózsiz», - deıdi G.Quljabaıqyzy.
Shara barysynda qatysýshylarǵa Nurym, Basshy aýyldaryndaǵy kógaldandyrylǵan aımaqtar tanystyrylyp, kógaldandyrý boıynsha sheberlik synyptary ótkizildi. Sondaı-aq olar ózderiniń is-tájirıbelerimen bólisip, arnaıy ashylǵan kitap kórmesin aralap kórdi.
