Almaty oblysynda aýyldy sý basty
TALDYQORǴAN.QazAqparat - Almaty oblysynyń Panfılov aýdanyndaǵy Penjim aýylyn sý basty. Oqıǵa ornynda 100-den asa maman men 20-dan asa tehnıka jumys isteýde, - dep habarlaıdy QazAqparat tilshisi.
«3 maýsym kúni saǵat 21:00-de Almaty oblystyq Tótenshe jaǵdaılar departamentine Penjim aýylyndaǵy birneshe kóshe men aýlany sý basqandyǵy jóninde habarlama tústi. Taýly aımaqta jaýǵan nóserli jaýyn saldarynan búıirli aǵynnyń qalyptasýy tirkeldi. Oqıǵa orynda 100-den asa adam men 20-dan astam tehnıka jumys isteıde. 23 saǵat 30 mınýtta sýdyń aǵýy toqtady. Oqıǵa ornynda qaza bolǵandar joq. Jaǵdaı baqylaýda. Arnaıy jedel shtab qurylyp, jumys istep jatyr», - delingen Almaty oblystyq Tótenshe jaǵdaılar departamentindegi baspasóz qyzmetiniń taratqan málimdemesinde.
Esterińizge sala keteıik, 31 mamyr kúni oblystyq TJD BAQ jáne sms habarlama arqyly Almaty oblysy aýmaǵynda maýsymnyń 2-si, 3-shi kúnderi nóserli jaýyn-shashyn saldarynan taýly aımaqtarda sýdyń búıirli aǵyny men ózenderde sý deńgeıiniń kóterilýi múmkin ekendigi týraly habarlaǵan bolatyn.
