Almaty oblysynda aýyldy sý aldy
TALDYQORǴAN. QazAqparat - Almaty oblysyndaǵy Jambyl aýdanyna qarasty Aıdarly aýylyndaǵy úılerdiń aýlasyna sý jaıylyp, halyqty ábigerge saldy, dep habarlaıdy QazAqparat tilshisi.
«Shamamyz kelgenshe sýdy kóshege qaraı buryp jiberdik. Búgin eki traktor kelip, shamasy jetpeı jatyr. Fýndamenttiń astyna qaraı sý sińip ketti. Qoradaǵy mal laıdyń astynda qaldy», - deıdi Aıdarly aýylynyń turǵyny.
Turǵyndar aǵysy qatty sý úıdiń mańyndaǵy qorshaýlardy qıratyp, úıdiń kireberisine de sý kirgenin aıtady. Sózderinshe, ekken baý-baqshalary jaramsyz bolyp qalǵan. Sý qysta azyq-túlik saqtaıtyn jertólege de jaıylǵan eken.
«29 mamyr kúni saǵat 10:00 shamasynda Jambyl aýdanynyń Aıdarly aýylynda egin alqaptaryn sýǵarý úshin Úlken Almaty kanaly arqyly sý jiberý nátıjesinde Baýyrjan Momyshuly kóshesindegi №7, №25 úıdiń aýlasyn sý aldy. Tótenshe jaǵdaılar kúshimen saǵat 16:30 shamasynda aýladaǵy sý tolyǵymen sorǵyzyldy, qazirgi ýaqytta sý alǵan aýlalar joq. Qazir kanaldyń jaǵasyn bekitý jumystary júrgizilip jatyr», - dedi Almaty oblystyq TJD Tótenshe jaǵdaılardy joıý bóliminiń ınjeneri Baýyrjan Ibraımov.
