Almaty oblysynda aýyldasyn uryp óltirgen kúdikti ustaldy
TALDYQORǴAN. QazAqparat - Almaty oblysynda aýyldasyn uryp óltirgen kúdikti ustaldy. Qazir 1988 jylǵy azamat 59 jastaǵy er adamdy óltirdi dep aıyptalýda.
Oqıǵa Uıǵyr aýdanynyń Shonjy aýylynda bolǵan, dep habarlaıdy QazAqparat tilshisi.
Oblystyq ІІD baspasóz qyzmetiniń málimetinshe, 24-shi qazan kúni Shonjy aýylyndaǵy jer úılerdiń birinen 59 jastaǵy er adamnyń múrdesi tabylǵan. Sarapshylardyń alǵashqy boljamy boıynsha, marqum soqqydan kóz jumǵan.
«Anyqtalǵandaı, 17 qazan kúni 59 jastaǵy er azamat óziniń aýyldastarymen bas qosyp, ishimdik ishken. Sol sátte sondaǵylardyń birimen sózge kelispeı, sońy tóbelespen aıaqtalǵan. Sol kezde er adam túrli dene jaraqatyn alǵan. Súıekteri synǵan. Qazir kúdikti azamat ustaldy», dedi oblystyq ІІD baspasóz qyzmeti.
Atalǵan fakti boıynsha QR QK 160 baby 3-shi bóligine sáıkes is qozǵalyp, tergeý jalǵasýda. 1988 jylǵy kúdikti qamaýda otyr.
