Almaty oblysynda aýyldasyn qaǵyp óltirip, qashyp ketken jigit ustaldy
TALDYQORǴAN. QazAqparat - Almaty oblysynyń Panfılov aýdanynda jergilikti turǵyndary jas jigittiń denesin taýyp aldy. Aldyn ala boljam boıynsha, ol jol apatynan mert bolǵan, dep habarlaıdy QazAqparat.
Marqum Yntymaq aýylynyń 25 jastaǵy turǵyny bolyp shyqty.
Oqıǵa ornynda jumys júrgizgen krımınalıster aq tústi mashınanyń plastmassa bólshekterin tapty. Kúdiktini izdeý sharalary bir táýlikte nátıjesin berdi. Panfılov aýdanynyń polıtseıleri kóliktiń markasyn anyqtap, onyń ıesin qolǵa túsirdi.
«Jaıaý júrginshini qaǵyp óltirdi degen kúdikpen marqumnyń aýyldasy, 23 jastaǵy turǵyn ustaldy. Onyń «Toyota Camry» kóliginiń kýzovynan jol apatyna tán mehanıkalyq zaqym anyqtalǵan. Qazir atalǵan fakti boıynsha sotqa deıingi tergeý júrip jatyr. Kúdiktige QR QK 345 jáne 347 baptary boıynsha aıyp taǵyldy», - dep habarlady Almaty oblystyq PD baspasóz qyzmeti.
