Almaty oblysynda aýyldasyn baltamen shaýyp óltirgen turǵyn ustaldy
Oblystyq polıtsııa departamentiniń baspasóz qyzmetinen málim etkendeı, 3 qazan kúni 11.20 shamasynda Qaratal aýdandyq polıtsııa bóliminiń kezekshi bólimine azaptap óltirilgen er adamnyń denesi tabylǵany habarlanǵan.
Bul fakti polıtsııada Qylmystyq kodekstiń 99-baby 1-bólimi boıynsha tirkeldi.
Oqıǵa ornyna jetken jedel tergeý toby aqparatty rastady. Marqum Bastóbe aýylynyń 40 jastaǵy turǵyny bolyp shyqty.
Keıinnen polıtseıler kúdiktini de ustady. Ol - marqumnyń 41 jastaǵy aýyldasy.
Tergeý kezinde dálel-aıǵaqtardy kórgen soń ol óz kinásin moıyndady.
Kúdiktiniń aıtýynsha, keshki 20.00 shamasynda mas kezinde ekeýara janjal shyǵyp, sodan keıin ol zaýyttan shyqqan shaǵyn baltamen tanysyn uryp óltirgen.
Áýeli máıitti jertólege jasyrǵan. Biraq túngi úshte velosıpedke artyp, ıesiz eski ǵımaratqa aparyp tastaǵan.
Kúdikti ýaqytsha ızolıatorǵa qamaldy. Sotqa deıingi tergeý júrip jatyr.
Qylmystyq protsessýaldyq kodekstiń 201-babyna sáıkes, budan basqa aqparat qupııa sanalady.