Almaty oblysynda aýyl turǵynyna oq atyp, qashyp júrgen jigit ustaldy
TALDYQORǴAN. QazAqparat - Almaty oblysynyń Shalqar aýylynda bir aı buryn kóshede myltyqpen oq atyp, oqıǵa ornynan boı tasalap júrgen kúdikti ustaldy, dep habarlaıdy QazAqparat tilshisi.
Ol sol kúni 62 jastaǵy aýyl turǵynyn aıaǵynan jaralaǵan bolatyn.
Almaty oblystyq polıtsııa departamenti baspasóz qyzmetiniń málimetinshe, 25 sáýir kúni túnde ol qyzyn izdeýge shyǵyp, aýylda oq atqan.
Oqıǵa ornynda zeınetker aıaǵynan aýyr jaraqat alyp, keıin bir aıaǵyn kestirgeni belgili boldy.
«Oq atqan Qaskeleń qalasynyń 29 jastaǵy azamaty bolyp shyqty. QR QK 99-baby, ıaǵnı adam óltirýge oqtalý deregi boıynsha is qozǵalyp, kúdiktige izdeý jarııalandy. 31 mamyr kúni ár jerde jasyrynyp, qashyp júrgen kúdikti Turar aýylynda qolǵa túsip, qamaýǵa alyndy. Sol kúni ol óziniń bul áreketine alkogoldi ishimdik ishkennen keıin barǵanyn moıyndaǵan. Basqa aqparat QR QPK 201 babyna sáıkes jarııalanbaıdy» delingen vedomstvonyń habarlamasynda.
