Almaty oblysynda aýyl turǵyny úıiniń ishinde marıhýana ósirip kelgen
Esirtki bıznesine qarsy kúres basqarmasynyń qyzmetkerleri jedel aqparat boıynsha Іle aýdanynyń A. esimdi turǵyny esirtki zatyn shyǵaryp, taratýmen aınalysqanyn anyqtady. Jedel-izdestirý kezinde saraptama aktilerimen belgilengen «marıhýana» esirtki zaty bar 8 sirińke qoraby tárkilendi.
Atalǵan derek sotqa deıingi tergep-tekserýdiń biryńǵaı tiziliminde Qylmystyq kodekstiń 297-baby 1-bóligi boıynsha tirkelgen.
«Sanktsııalanǵan tintý kezinde Іle aýdanynyń 47 jastaǵy azamatynyń úıiniń ekinshi qabatynan «marıhýana» ósirip, daıyndap, taratatyn zerthana tabyldy. Úıdiń ekinshi qabaty mıkroklımat qurý maqsatynda kún batareıalarynyń kómegimen qosymsha jylytylǵan. Tintý barysynda salmaǵy 26 kg jýyq 47 buta, 295 orama jáne salmaǵy 8,5 kılogramm daıyn eki qap «marıhýana» tabyldy jáne tárkilendi. Esirtki ósirý, asa iri mólsherde daıyndaý jáne saqtaý deregi boıynsha Qylmystyq kodekstiń 300-babynyń 1-bóligi, 296-babynyń 4-bóligi boıynsha qylmystyq is qozǵaldy. Kinásin moıyndaǵan kúdikti ýaqytsha qamaqqa alyndy», – dep habarlaıdy Almaty oblysy PD Esirtki bıznesine qarsy kúres basqarmasynyń bastyǵy Qazbek Muhamedov.