Almaty oblysynda aýyl turǵyny úıinen dárihana ashyp alǵan

TALDYQORǴAN. QazAqparat – Almaty oblysy Kerbulaq aýdanyndaǵy Altynemel aýylyndaǵy jekemenshik úıde dári-dármek zańsyz satylyp kelgen, dep habarlaıdy QazAqparat tilshisi.

Almaty oblystyq Polıtsııa departamenti baspasóz qyzmetiniń málimetinshe, 8 shilde kúni jedel izdestirý sharalary barysynda krımınaldyq polıtsııa qyzmetkerleri zańsyz dárihananyń qyzmetin áshkerelegen.

Anyqtalǵandaı, aýyl turǵyny úıinen dárihana ashyp alǵan. Al onyń sóresinen dári-dármektiń kez kelgen túrin tabýǵa bolady.

«Zańsyz dárihana qyzmetin 63 jastaǵy áıel uıymdastyrǵan. Bul qyzmetpen aınalysýǵa onyń lıtsenzııasy men ruqsat qujattary bolmaǵan. ıAǵnı medıtsınalyq qyzmet kórsetýge esh quqyǵy joq ekeni anyqtaldy. Alypsatar áıel aýdandaǵy dárihanalardyń birinen dárilerdi satyp alyp, aýyl turǵyndaryna usynyp otyrǵan. Tártip saqshylary tekserý barysynda qaıta satý úshin qoraptarmen satyp alynǵan 60-qa jýyq dári-dármektiń túrin tárkiledi.

Qazirgi ýaqytta tergeý jalǵasýda. Atalǵan derek boıynsha tıisti sharalar qabyldanyp, kináli tulǵalar qoldanystaǵy zańnama talaptaryna sáıkes jaýapkershilikke tartylatyn bolady», - dedi departamentten.