Almaty oblysynda aýyl turǵyny kórshisin abaısyzda vıntovkadan atyp óltirdi
TALDYQORǴAN. 8 maýsym. QazAqparat - Almaty oblysyndaǵy Balqash aýdanynda polıtseıler Baqbaqty aýylynyń 28 jastaǵy turǵynyna qatysty qylmystyq is qozǵady. Ol óziniń aýyldasyn abaısyzda pnevmatıkalyq vıntovkadan atyp óltirgen.
Balqash AІІB kezekshilik bólimine aýdandyq aýrýhanaǵa jetkizilgen 51 jastaǵy er adam qaıtys bolǵany týraly habar kelip tústi. Dárigerlerdiń aıtýynsha, oǵan ishine pnevatıkalyq qarýdan oq tıgen.
Polıtseıler qaıtys bolǵan adamnyń kórshisin ustap, «Cricket» pnevmatıkalyq vıntovkasyn tárkiledi. Erikken er adam óz aýlasyndaǵy baqshada júrip, qarǵalardy atqan. Kezdeısoq tıgen oq kórshisin jaralaǵan, zardap shekken adam aýyrsynyp, jedel járdem shaqyrǵan.
Qazirgi kezde tárkilengen vıntovka QR QK 101-babymen - «Abaısyzda ólimge soqtyrý» boıynsha qozǵalǵan qylmystyq iske tirkeldi.
