Almaty oblysynda aýyl shirkeýin tonap ketti
TALDYQORǴAN. QazAqparat - Almaty oblysynda polıtseıler aýyl shirkeýiniń dúkenine qarýly shabýyl jasaǵan kúdiktiniń jeke basyn anyqtady, dep habarlaıdy QazAqparat tilshisi.
Kúdikti ustalyp, qamaýǵa alyndy. Qarýly shabýyl faktisi Іleý aýdanynda tirkelgen. Pyshaq ustaǵan er adam Boraldaı aýylynyń shirkeýi aýmaǵyndaǵy dúkenge shabýyl jasaǵan. Ol satýshyny qorqytyp, zergerlk buıymdary men aqshasyn alyp ketken.
«Shabýyl jasaýshynyń jeke basyn anyqtaý úshin kóptegen jumystar júrgizildi. Qylmysker shirkeýge kóligimen kelgen. Onyń kóliginiń markasy men júrgizýshiniń jeke basyna qatysty málimetter tez arada anyqtaldy. Aýdandyq polıtsııanyń jedel ýákilderi 39 jastaǵy jergilikti turǵyndy kúdikti retinde ustady», - dep habarlady Almaty oblystyq PD baspasóz qyzmeti.
Tonaý faktisi boıynsha sotqa deıingi tergeý júrip jatyr. Ustalǵan azamat ýaqytsha ustaý oqshaýlaǵyshyna qamaldy. 200 myń teńgeden astam somaǵa baǵalanǵan zattar izdestirilip jatyr.
Hasan Espanov
