Almaty oblysynda aýyl saıabaǵyna Dinmuhamed Qonaevtyń esimi berildi

ASTANA. QazAqparat – Almaty oblysyna qarasty Almalybaq aýylyndaǵy saıabaqqa Dinmuhamed Qonaevtyń esimi berildi, dep habarlaıdy QazAqparat tilshisi.

«Umtyl aýyldyq okrýginiń Almalybaq aýyly halqynyń pikirin eskere otyryp jáne Almaty oblysynyń onomastıka komıssııasynyń qorytyndysy negizinde Almalybaq aýylynda ornalasqan saıabaqqa Dinmuhamed Ahmetuly Qonaevtyń esimi berilsin», - delingen eldi meken ákimi S. Úmbetálıev qol qoıǵan sheshimde.

Qosa ketsek, buǵan deıin Almatynyń Jetisý aýdanynda jańa saıabaq boı kóteretinin habarlaǵan edik.

Sonymen qatar byltyr Almatynyń shetki aýdandarynda alty saıabaq salynatyny málim boldy.