Almaty oblysynda «Aýyl» partııasynan saılanǵan depýtat 4 otbasyna baspana syılady

TALDYQORǴAN. QazAqparat - Almaty oblysynda «Aýyl» partııasynyń depýtaty tórt otbasyna baspana syılady, dep habarlaıdy QazAqparat tilshisi.

«Aýyl» partııasy Panfılov aýdandyq máslıhatynyń depýtaty, kásipker Oljas Japarqul tórt januıaǵa baspana kiltin tapsyrdy.

«Ernar» sharýa qojalyǵyna jetekshilik etetin kásipker buǵan deıin 6 otbasyna úı ápergen bolatyn. Bul otbasylardyń barlyǵy - atalǵan qojalyqtyń jumysshylary.

5 bólmeli bir úı 114 sharshy metr aýmyqty alyp jatyr. Іshi tolyq jabdyqtalyp, jer telimderimen qos berilgen.

Kelisimshartpen jumys isteıtin qojalyq qyzmetkerlerine qosymsha jalaqy da tólenedi.

«Bizdiń «Aýyl» partııasy el táýelsizdiginiń 30 jyldyǵyna oraı 30 ıgi is bastady. Sol shara bizdiń aýdannan bastalǵanyna qýanyshtymyn. Bul otbasy bizdiń qojalyqtyń qyzmetkerleri. Bala-shaǵalary bar. Baspanasyz júrgen. Búgin kóppen birge úıdiń kiltin tapsyrdyq. Bundaı ister áli de jalǵasyn tabatyn bolmaq», - deıdi úı syılaǵan azamat Oljas Japarqul.

Qazirgi sátte sharýa qojalyǵynda 126 qyzmetker bar.

Agrarlyq jáne mal sharýashylyǵymen aınalysatyn qojalyq basshysy budan bólek aýdandaǵy kópbalaly jáne az qamtylǵan otbasylarǵa turaqty qol ushyn berip keledi.

Jalpy Panfılov aýdanynda 4058 turǵyn baspana kezeginde tur.

Jyl sońyna qaraı Táýelsizdiktiń 30 jyldyǵyna oraı Nurkent aýylynda 120 otbasyna baspana kilti tapsyrylmaq.