Almaty oblysynda aýyl ákimi órtenip jatqan úıden gaz ballonyn alyp shyqty

QONAEV. QazAqparat - Tańerteńgi saǵat 07:50 shamasynda Qonaev qalasyna jaqyn ornalasqan Sheńgeldi aýyldyq okrýgindegi úılerdiń birinen órt shyqty, dep habarlaıdy QazAqparat tilshisi.

Almaty oblysy ákimdiginiń baspasóz qyzmetiniń habarlaýynsha, órtten shyqqan tútindi sol sátte qasynan ótip bara jatqan aýyl ákimi Maqsat Jazıev baıqap qalyp, birden órtenip jatqan úıge barǵan.
«Úı janynda toqtadym. Sol kezde Mazda kóligi dál qasyma toqtady. Osy kezde úı ıesi áıeli men balalaryn terezeden alyp shyqqan. Oılanýǵa ýaqyt bolmady. Jaqyn jerde bolǵan bir adammen birge biz úıden gaz ballonyn shyǵardyq. Olar órt sóndirýshilerdi kútip turǵanda úıdiń tóbesine shyǵyp, shlangtan sý quıyp, otty ustap turdyq», - dedi Maqsat Jazıev.
Qonaev qalasy ákimdiginiń baspasóz qyzmetiniń habarlaýynsha, oqıǵa ornyna 86621 áskerı bóliminiń órt sóndirý bólimi shuǵyl jetken. Órt tolyǵymen sóndirildi. Qaza tapqandar men zardap shekkender joq. Úıdi qalpyna keltirýge ákimdik qoldaý kórsetedi.

Ashyq kózderden alynǵan foto