Almaty oblysynda aýyl ákimdigi órtendi
ASTANA. QazAqparat - Almaty oblysy Eńbekshiqazaq aýdanynyń Qoram aýylynda ákimdik ǵımaraty órtendi, dep habarlaıdy QazAqparat QR ІІM Tótenshe jaǵdaılar komıtetine silteme jasap.
Ǵımarattyń 200 sharshy metr aýmaǵyn órt shalǵan.
«Órtengen ǵımarat pen eń jaqyn órt sóndirý bóliminiń ara qashyqtyǵy 25 shaqyrym boldy. Saǵat 12:13-te «101» pýltine órt týraly habar kelip tústi. 12:50-de órt aýyzdyqtaldy jáne 13:18-de tolyqtaı sóndirildi. Oǵan Órt sóndirý bóliminiń 7 qyzmetkeri men 2 tehnıkasy jiberildi», - dep jazdy QR ІІM Tótenshe jaǵdaılar komıtetiniń resmı ókili Nursultan Nurahmetov.
Komıtet keltirgen derekterge sáıkes, tilsiz jaýdan eshkim zardap shekken joq. Qazirgi ýaqytta órt sebepteri anyqtalyp jatyr.
