Almaty oblysynda aýrýhanada júkti áıel kóz jumdy
«22 mamyr kúni 1988 jylǵy áıel Kerbulaq aýdandyq aýrýhanasyna aýyr jaǵdaıda tústi. Barlyq tıisti em-dom sharalary qoldanyldy. Biraq, naýqastyń jaǵdaıy kúnnen kúnge nasharlaı berdi. Oblystyń dárigerleri arnaıy konsılıým júrgizdi. Biraq, ókinishke qaraı naýqas kóz jumdy», - delingen Almaty oblystyq densaýlyq saqtaý basqarmasy baspasóz qyzmetiniń habarlamasynda.
Vedomstvonyń aqparatyna sáıkes, aýrýhanaǵa túskennen keıin bir kún ótken soń ıaǵnı, 23 mamyr kúni naýqas túsik tastaǵan.
«Naýqastyń múrdesi arnaıy sot-medıtsınalyq saraptamaǵa jiberildi. Onyń qorytyndysy shyqqan kezde tıisti sheshim qabyldanatyn bolady. Qazirgi ýaqytta medıtsınalyq jáne farmatsevtıkalyq baqylaý departamenti kezekten tys tekserý júrgizýdi josparlap otyr. Oǵan táýelsiz sarapshylar qatysatyn bolady», - dep tolyqtyrdy atalǵan vedomstvonyń baspasóz qyzmetinen.
Almaty oblystyq densaýlyq saqtaý basqarmasy 1988 jylǵy áıeldiń ólimine naqty ne sebep bolǵanyn arnaıy sot-medıtsınalyq saraptamasynyń qorytyndysy shyqqanda belgili bolatynyn jetkizdi.
Esterińizge sala keteıik, Almaty oblysynda ótken jyly 24 ana men bala ólimi tirkelgenin habarlaǵan bolatynbyz.