Almaty oblysynda aýmaqtyq ınspektsııa ókilderine 21 mln teńge aıyppul salyndy

NUR-SULTAN. QazAqparat – Almaty oblysynda Veterınarııalyq baqylaý jáne qadaǵalaý komıtetiniń aýmaqtyq ınspektsııasynyń qyzmetkerlerine iri kólemde aıyppul salyndy, dep habarlaıdy QazAqparat.

«2020 jyldyń 16 shildesinde Taldyqorǵan qalalyq soty QR Aýyl sharýashylyǵy mınıstrligi Veterınarııalyq baqylaý jáne qadaǵalaý komıtetiniń Almaty oblystyq aýmaqtyq ınspektsııasynyń basshysy T.Ábilqasymov pen ınspektsııanyń shekara beketterin baqylaý bóliminiń basshysy D. Karashevtyń árqaısysyna 21 mıllıon teńge kóleminde aıyppul saldy. Olar memlekettik qyzmettegi laýazymdardy atqarý quqyǵynan ómir boıyna aıyryldy», - dedi QR Sybaılas jemqorlyqqa qarsy is-qımyl agenttiginiń asa mańyzdy ister boıynsha 1 departamentiniń tergeýshisi Qaısar Barjaqsynov.

Olar joǵaryda atalǵan ınspektsııaǵa jumysqa turǵyzý úshin turǵynnan 2 myń AQSh dollary kóleminde para alý kúdigine ilindi.