Almaty oblysynda aýlasynda marıhýana ósirgen turǵyn ustaldy
BALPYQ BI. QazAqparat - Almaty oblysyndaǵy Kóksý aýdanynyń tártip saqshylary aýdan ortalyǵy - Balpyq bı kentindegi úılerdiń birinen quramynda esirtki zaty bar ósimdikti baptap ósirý deregin áshkereledi. 41 jastaǵy úı ıesi atalǵan zańbuzýshylyqty jasady degen degen kúdikke ilindi, dep habarlaıdy QazAqparat tilshisi.
«Baptap ósirilgen marıhýana kúdiktiniń baqshasynan tabylǵan. Polıtseıler jalpy salmaǵy 16 kılogramm bolatyn 22 túp marıhýanany qazyp alyp, tárkiledi. Qazirgi ýaqytta tyıym salynǵan ósimdikti ósirý deregi boıynsha sotqa deıingi tergeý amaldary júrgizilýde. Kúdikti mekenjaıyn ózgertpeý týraly mindettememen bosatyldy»,- dep málimdedi Almaty oblysy PD baspasóz qyzmeti.
Oblystyq polıtsııanyń aqparaty boıynsha, bıyl oblysta marıhýana ósirýdiń 7 faktisi anyqtalǵan. Atalmysh faktiler boıynsha Qarasaı, Kóksý, Eskeldi aýdandarynyń jáne Tekeli qalasynyń turǵyndary qylmystyq jaýapkershilikke tartyldy.
