Almaty oblysynda «Áýezov» baǵy ashyldy
TALDYQORǴAN. QazAqparat - Almaty oblysynyń Kerbulaq aýdanyndaǵy Nurym aýylynda «Áýezov» baǵy ashyldy. Muhtar Áýezovtiń 120 jyldyǵyna oraı uıymdastyrylǵan sharaǵa jazýshynyń nemeresi Zıfa-Alýa Muratqyzy qatysyp, zor alǵysyn bildirdi, dep habarlaıdy QazAqparat tilshisi.
Qazaqtyń zańǵar jazýshysy Muhtar Áýezovtyń mereıtoıyna arnalǵan «Áýezov» baǵynyń aýmaǵy 2 gektar. Ashylý saltanatyna jazýshynyń nemeresi, bir top aqyn jazýshylar, aýdan turǵyndary qatysty. Qonaqtar 120 jyldyqqa oraı 120 túp aǵash otyrǵyzdy. Jasyl baqtyń ashylýyna Gúlstan jýrnaly men Gúlzar qoǵamdyq birlestigi uıytqy boldy. Týǵan mekendi jasyl jelekpen kómkerip, saıabaqqa aınaldyrý Gózel Quljabaevanyń súıikti kásibi. Ol Kúreńbel óńirindegi úsh birdeı aýyldy gúldendirip, jasyl jelekpen kómkergen kásipker. Máselen, kópbalaly analar qurmetine "Batyr ana" saıabaǵyn ashsa, biri uly aqyn «Abaı» esimimen atalady. Sondaı-aq, Kúreńbel óńiriniń dara ánshisi, qazaqtyń maqtanyshy Nurǵalı Núsipjanov atyndaǵy alma baǵy bar.
