Almaty oblysynda aýdan ákiminiń orynbasary tóbelesti
TALDYQORǴAN. QazAqparat – Almaty oblysy Jambyl aýdany ákimi orynbasarynyń meıramhanadaǵy tóbelesi áleýmettik jelini shýlatty, dep habarlaıdy QazAqparat tilshisi.
Almaty oblysy ákiminiń baspasóz hatshysy Ǵalymurat Júkeldiń atalǵan oqıǵaǵa qatysty túsinikteme berdi.
Ǵalymurat Júkeldiń aıtýynsha bul jańa jyldyq kesh emes.
«Oqıǵa «Belye rozy» meıramhanasynda 25 jeltoqsan kúni, túngi 00.30-da bolǵan. Aýdan ákiminiń orynbasary meıramhana qonaǵymen sózge kelip qalǵan. Daý sońy tóbeleske ulasqan. Qazirgi tańda laýazymdy tulǵadan túsinikteme alynǵan. Aldaǵy ýaqytta oǵan qatysty tártiptik jaza qoldanylady», - ded ol «Facebook» paraqshasynda.
Sondaı-aq ol Jambyl aýdany ákiminiń tóraǵalyǵymen ótken otyrysta jańajyldyq ujymdyq keshterdi uıymdastyrýǵa tyıym salynǵan hattamanyń jáne «Belye rozy» meıramhanasy ákimshiliginiń Jambyl aýdany ákimdiginiń jańajyldyq keshin ótkizbegeni týraly túsiniktemesi jazylǵan sýretterdi de jarııalady.
Aıta ketsek, áleýmettik jelide birneshe er azamattyń jaǵa jyrtysyp, bir-birin soqqyǵa jyǵyp, tóbelesip jatqan sáti beınelengen vıdeo tarady. Jeli paıdalanýshylar tóbeleste Jambyl aýdany ákiminiń orynbasary men memlekettik qyzmetkerlerdi tanyp, olar jańa jyldyq ujymdyq keshti toılap jatqanda tóbelesken dep pikir qaldyrǵan.
