Almaty oblysynda aýa-raıynyń kúrt ózgerýine baılanysty 43 adam men 18 avtokólik qaýipsiz jerge jetkizildi - TJM
ASTANA. Jeltoqsannyń 25-i. QazAqparat - Qarly borasynnyń bolý qaýpine baılanysty Almaty oblysy Taldyqorǵan-Qapal avtojolynan 43 adam men 18 avtokólik qaýipsiz jerge jetkizildi,
dep habarlaıdy QazAqparat.
QR Tótenshe jaǵdaılar mınıstrliginiń habarlaýynsha, Shymbulaq-2 aýmaǵynda qarly borasynnyń bolý qaýpine baılanysty Qapal jáne Kóshkental kentteriniń arasynda, jeltoqsannyń 24-i kúni saǵat 21.00-den tańǵy saǵat 6.30-ǵa deıin adamdar men mashınalardy qaýipsiz jerge jetkizý is-sharasy júrgizildi.
«Qutqarylǵandardyń arasynda úsik shalǵandar men zardap shekkender joq», - dep atap ótti baspasóz qyzmetinen.
Adamdardy kóshirýge TJM Almaty oblysy boıynsha TJD-nyń 11 adamy men 3 tehnıkasy jumyldyrdy.
