Almaty oblysynda aýa-raıyna baılanysty jabylǵan joldar qaıta ashyldy
TALDYQORǴAN.QazAqparat - Almaty oblysynda aýa-raıynyń qolaısyzdyǵyna baılanysty jabylǵan joldar qaıta ashyldy, - dep habarlaıdy QazAqparat tilshisi.
«23 qańtar kúni, ıaǵnı búgin Almaty oblysynyń aýmaǵyndaǵy respýblıkalyq mańyzy bar joldar avtokóliktiń barlyq túrleri úshin ashyq ekenin habarlaıdy»,- delingen Almaty oblystyq TJD baspasóz qyzmetiniń habarlamasynda.
Esterińizge sala keteıik, 22 qańtar kúni Qapshaǵaı qalasynan Shyǵys Qazaqstan oblysynyń shekarasyna deıin respýblıkalyq joldyń jabylǵanyn habarlaǵan bolatynbyz. Qazir qozǵalys qaıta qalpyna keldi, jol ashyq.
