Almaty oblysynda áteshter arasynda tóbeles «keshteri» uıymdastyrylǵan
Almaty oblysynda áteshter arasynda tóbeles «keshteri» ótetini jaıly vıdeo jelige shyqty.
«Almaty oblysy Іle aýdany Qoıanqus aýylynyń turǵyndary eshteńeden qoryqpaıtyn áteshterdiń arasynda shaıqastar ótkizedi. Munda zańsyz oıyn bıznesin uıymdastyrýdyń kórinisteri bar... Zań boıynsha tóbeles uıymdastyrýǵa qatań tyıym salynǵan», - delinedi jelidegi jazbada.
Almaty oblysynyń polıtsııa departamentiniń málimetinshe, áleýmettik jeli arqyly 5 tamyzda Іle aýdany Qoıanqus aýylynda áteshter arasynda tóbeles uıymdastyrylǵany anyqtalǵan.
«Atalǵan derek Іle aýdanynyń polıtsııa basqarmasynda QR QK 307-baby «Zańsyz oıyn bıznesin uıymdastyrý» boıynsha tirkeldi. Qazir jınalǵan materıaldar Almaty oblysynyń ekonomıkalyq tergeý qyzmetine tapsyrylatyn bolady», - dep habarlady Almaty oblysynyń polıtsııa departamentiniń baspasóz qyzmeti.