Almaty oblysynda ata-anasyz qalǵan balalar qýyrshaq satyp, kásipterin bastaýda
Talǵar aýdany ákiminiń baspasóz qyzmetiniń málimetinshe, «Kovcheg» memlekettik emes ata-anasynyń qamqorlyǵynsyz qalǵan balalar úıiniń tárbıelenýshileri qýyrshaqty óz qolymen jasaıdy.
Jasóspirimder matany qyrqý, kestelep tigýdi óz moınyna alsa, kishkentaılary qaı mýltfılm keıipkeriniń qýyrshaq bolatynyn tańdaıdy.
«Bul jerde 2-18 jasqa deıin 41 bala bar. 27-si qatarlastary sekildi mektepke barady, al 3 búldirshindi balabaqshaǵa bergen. Birazynyń ata-anasy quqynan aıyrylǵan, al birazynan bas tartqan. Múgedek balalar da bar»,- delingen vedomstvonyń habarlamasynda.
Áli de kelip jatqandar bar. Aıyna 2-3 bala túsedi deıdi jetimder úıiniń tárbıelenýshileri.
«Jetimder úıi jomart jandardyń arqasynda kúneltedi. Biraq osy sońǵy jylda balalar qýyrshaq jasap, satyp júr. Ózderine shyn nıetpen kómek qol ushyn sozǵandarǵa tegin syılaıdy.
Sondaı syılyqqa Talǵar aýdany ákimdigi ıe boldy.
Qazir tárbıeshilerdiń ótinishimen memlekettik emes jetimder úıin jartylaı memlekettik qylýǵa másele qarastyrylyp jatyr»,- dep tolyqtyrdy atalǵan vedomstvonyń baspasóz qyzmetinen.