Almaty oblysynda at jarysynan Prezıdent Kýbogy oınatyldy
TALDYQORǴAN.QazAqparat - Almaty oblysynda at jarysynan Prezıdent Kýbogy oınatyldy. Dástúrge aınalǵan dúbirli dodaǵa elimizdiń túkpir-túpkirinen jáne kórshi memleketterden jalpy sany 200-den astam súıgúlik qatysty, dep habarlaıdy QazAqparat tilshisi.
Jarystyń tóresi sanalatyn Alaman báıgede 1-shi oryn Qarasaı aýdanynyń «Aqtaban» atty júırigine buıyrdy. Jeńimpazǵa «ÝAZ Patrıot» avtokóliginiń kilti tabystaldy. 2-shi orynǵa Ońtústik Qazaqstan oblysynyń «Keridaýyl» sáıgúligi jaıǵasty. Iesine Nıva avtokóliginiń kilti syıǵa berildi. Sondaı-aq úshinshi orynǵa «Lada Granta», tórtinshi jáne besinshi oryndarǵa qarjylaı syılyqtar tabystaldy.
Al taı jarysta 1-shi bolyp Jambyl aýdany atynan topqa túsken «Kóńilashar» júırigi keldi. Jeńimpazǵa 200 000 teńgeniń qarjylaı syılyǵy tabystaldy. 2-shi oryndy Qarasaı aýdanynyń namysyn qorǵaǵan «Aıshyq» atty júırigi ıelendi. Oǵan 150 000 tg tabystaldy. 3-shi bolyp kelgen Jambyl oblysynyń «Arabella» atty júırigi ıesine 100 000 teńgeniń syıaqysyn alýyna múmkindik týǵyzdy.
Top báıgede birinshi oryndy Qyrǵyzstan Respýblıkasynyń «Baıtory» atty sáıgúligi ıelendi. Jeńimpazǵa «Nıva» avtokóliginiń kilti tabystaldy. 2-shi oryndy ıelengen Qarasaı aýdanynyń «Qozykúreń» atty júıriginiń ıesi «Lada Granta» avtokóliginiń kiltine ıe boldy. 3-shi bolyp Qyrǵyzstannyń «Qaraqusy» kelip, 150 000 teńgeni jeńip aldy.
Almaty oblysy ákimdiginiń uıymdastyrýymen ótken jarys dástúrge saı Jambyl aýdanynyń Kókbastaý atshabarynda ótti.
